Казанда төзекләндерү эшләрен бозган өчен беркетмәләр саны ике тапкырга арткан

Казанда 2025 ел башыннан төзекләндерү кагыйдәләрен бозган өчен административ беркетмәләр санының ике тапкыр артуы күзәтелә. Бу хакта шәһәр Башкарма комитетының Административ-техник инспекциясе идарәсе башлыгы Артур Мөхәммәтшин хәбәр итте.

Идарә мәгълүматлары буенча, беренче ярты елда хокук бозулар турында 3157 документ төзелгән, бу узган елның шул ук чоры белән чагыштырганда 9% ка күбрәк. Шунысы игътибарга лаек, аларның 2 194 е – административ хокук бозулар өчен беркетмәләр, бу узган елдагы шундый ук күрсәткечтән ике тапкырга күбрәк. 2024 елда 2 878 материал төзелгән, шуларның 1 084е генә-беркетмәләр, калганнары күрсәтмәләр һәм кисәтүләргә кагылган.

Иң күп административ материаллар ачыкланмаган урыннарда тышкы мәгълүматны урнаштырган өчен төзелгән (519 очрак). Икенче урында-җир эшләрен вакытында чистарту (502), ә өченче урында — яшел зоналарда парковка (341).