Казан шәһәренең В.И.Ленин исемендәге мәдәният, ял үзәгендә «Нечкәбил-2023» бәйгесенең финал туры үтте

Бу киң колачлы бәйге 18 ел рәттән Татарстан Республикасы Рәисе Рөстәм Миннеханов яклавында уза. Ул Татарстан халыкларының традицион гаилә кыйммәтләрен ,мәдәни, милли гадәтләрен, аналыкны һәм сәламәт яшәү рәвешен пропагандалауга юнәлдерелгән.

Конкурсның сайлап алу турларында Саба данын яклап чыгыш ясаган Нурисламовлар гаиләсе финал турына кадәр барып җитеп, бүген иң -иңнәр арасында, тагын бер кат сынау тоттылар.

"Нечкәбил-2023"-"Гаилә. Остаз. Укытучы "Әниләр бәйрәме" уңаеннан республика бәйгесендә Энҗе, Илмир Нурисламовлар 3нче дәрәҗәдәге диплом иясе булдылар.

Республика районнарыннан финалга узган 12 гаилә арасыннан сабалыларны җиңүчеләр сафында күрү чиксез горурлык. Нурисламовларны кайнар котлыйбыз. Афәрин! Сез булдырдыгыз!