Караклыкның иң таралган төре һич курыкмыйча кибетләрдән ризык урлау икән.

Русия Эчке эшләр министрлыгы отчетында да, BIT компаниясе тикшеренүләрендә дә кибетләрдән ризык урлау очраклары арту билгеләнә.

Берничә ел элек күбрәк кыйммәтле исерткеч эчемлекләрне кибеттән яшереп алып чыгарга маташсалар, хәзер ашамлыкка “кул сузалар”. Күбрәк караклар сыр һәм колбасага өстенлек бирә. Шулай ук кофе, кәнфит эләктергәннәрне дә тота икән сакчылар.

Парфюмерия кибетләреннән күбрәк тушь һәм помада югала. Аларны урлаучыларның 76 проценты - хатын-кызлар. Азык-төлекне ир-егетләр ешрак урлый – 75 процент, дип яза “РИА Новости”.

Фото: Социаль челтәрдән