Югары Утар авылында яшәүче Ягафаров Альберт Камил улын 90 яшьлек юбилее белән котлыйбыз.

Авыл садигына йөргән, аннары авылда  4 класс башлангыч белем алган, кичке урта мәктәпне, 3 ел армия хезмәтен үтәп кайткач, укып бетерә. 14 яшьләрдә ат җигеп колхоз эшенә чыга. Армия яшенә кадәр, колхозда ат җигеп, төрле эштә эшли, җир сукалый, грузчик була. 1954  елда армия хезмәтенә алына. Армия хезмәтеннән соң, 1957 елда, тимер  юлга, кондуктор булып урнаша (поездларның тормозларын тикшерә).
1959 елда Кизель шәһәренә шахтага эшкә китә, анда 6 ел эшли. 1961 елда гаилә кора. 1965 елда туган авылында йорт салып гаиләсе белән күченә. 1965 елдан "Победа" колхозында тегермәнче булып эшли. Лаеклы ялга чыккач та, ул вакытта инде “Маяк” колхозында, җитәкчеләр чакыруы буенча эшен дәвам итә. Бүгенге көндә Альберт абый кызы Гөлнара һәм кияве Илнар тәрбиясендә гомер итә, 2 оныгы  бар.
                 Хөрмәтле Альберт абый!
Сезне ихлас күңелебездән туган көнегез, юбилеегыз белән котлыйбыз. Сәламәтлекнең ныгын, гомернең бәрәкәтлесен, озынын, күңел тынычлыгы телибез. Гомерегезне  муллыкта, күңел тынычлыгы белән  яшәп  үткәрегез. Балалар игелеге, оныклар куанычы гына насыйп булсын сезгә. Һәрбер туган таңга сөенеп яшәргә язсын
  Без телибез сезгә исәнлекләр,
Ак бәхетләр,тыныч картлыклар.
Кайгылар урап үтсеннәр дә,
Китмәсеннәр килгән шатлыклар.
  Маңгайларны сырлап буразналар үтсен,
Тик борчулар гына күрмәгез.
Яшәгез сез матур итеп,
Яшәү дәртегез мәңге сүнмәсен!
  Зур хөрмәт һәм ихтирам белән Саба муниципаль районы , район Советы башкарма комитеты, Корсабаш авыл җирлеге.