Югары Симет мәдәният йорты, китапханә, Түбән Симет клубы хезмәткәрләре «Бер күрешик әле, бүген кич» дип исемләнгән очрашу кичәсе үткәрделәр

Кичәдә Т.Симет клубы, Ю.Симет мәдәният йорты каршында эшләп килүче клуб берләшмәләренә йөрүчеләр катнашты. Әлеге чара җырлы- биюле милли уеннар, кызыклы конкурслар белән үрелеп барды, баянга кушылып онытылып барган татар халык җырлары, яшьлек җырлары башкарылды.

Әдәби һәм тарихи темаларга викторина оештырылды. Китапханәче күргәзмәдәге кул эшләнмәләренә шулай ук "Татар дөньясы" һәм "Татар милли ашлары" китапларына күзәтү ясады. Чара  милли ризыклардан әзерләнгән чәй табыны артында дәвам итте. Катнашучылар, мондый очрашулар тагын оештырылсын дигән теләктә күтәренке кәеф белән таралышты.

Саба районы рәсми сайтыннан.