Илсур Һадиуллин Бердәм Дәүләт имтиханы нәтиҗәләре буенча алдынгы районнарны атады
Татарстанда Бердәм Дәүләт имтиханы буенча иң югары баллар Югары Ослан районында теркәлгән. Монда 80 һәм аннан да югары баллы нәтиҗәләр 76 булган, бу 38,97 процентны тәшкил итә. Бу хакта республиканың Министрлар Кабинетында узган брифингта Татарстанның мәгариф һәм фән министры Илсур Һадиуллин әйтте.
Югары баллар саны буенча алдынгылар рәтендә Чаллы, Казанның Вахитов һәм Идел буе районнары, Минзәлә, Саба, Бөгелмә, Әгерҗе, Балтач, Әтнә, Баулы районнары да бар.
«1 июльдә 2023 елгы имтихан кампаниясенең төп чоры тәмамланды, әлегә без беренчел мәгълүматларны күрәбез», – диде министр.
Әлегә апелляция процедурасы да ахыргача төгәлләнмәгән, 22 июньнән 1 июльгә кадәр өстәмә көннәрдә узган имтиханнарның да нәтиҗәсе билгеле түгел, диде ул.
Чыганак: https://tatar-inform.tatar/news/ilsur-xadiullin-berdam-daulat-imtixany-natialare-buenca-aldyngy-raionnarny-atady-5873217
Фото: ©«Татар-информ»
Следите за самым важным и интересным в Telegram-каналеТатмедиа
Нет комментариев