Илдус Габдрахманов: Татарстанда чәчү эшләре уңышлы тәмамланды

(Казан, 10 июнь, “Татар-информ”, Зилә Мөбәрәкшина). Татарстан Республикасы авыл хуҗалыгы һәм азык-төлек министры урынбасары Илдус Габдрахманов Татарстанда чәчү эшләре уңышлы тәмамлануын әйтте. Бу хакта ул “Татар-информ”да узган матбугат конференциясендә сөйләде.

“Чәчүлек структурасында зур үзгәрешләр юк. Гомумән, чәчү эшләре уңышлы һәм сыйфатлы үтте. Кыш айларында да җитди әзерлек эшләре алып барылган иде. Әлеге көндә кырларның торышы яхшы”, - дип бәяләде ул.

2019 елда көнбагыш, шикәр чөгендере, рапс һ.б. культураларны чәчү арткан. “Барлыгы 553 мең гектар чыкты. Чәчүлек компаниясе 25 миллиард сум тәшкил итте. Шуның зур өлешен минераль ашламалар алып тора, төрле саклау чараларына алты миллиард сум бүленеп бирелде”, - диде спикер.
 

Фото: архив/Салават Камалетдинов, Рамиль Гали