Ил өчен авыр вакытларда халкыбызның бердәмлеге, ярдәмчеллеге сынала.

Ил өчен авыр вакытларда халкыбызның бердәмлеге, ярдәмчеллеге сынала. Махсус хәрби операциядәге ир-егетләр өчен гуманитар ярдәм җыюда да күпләр катнаша. Әле шушы көннәрдә генә махсус хәрби операция зонасына иң кирәк әйберләр белән шыплап тулган ике фура һәм УАЗ буханка машинасы ярдәм озатылды. Саба һәм Теләче районнары халкы тырышлыгы белән тиз арада азык-төлек, киемнәр, урын-җир әйберләре, окоп шәмнәре, тәгәрмәчләр, төзелеш материаллары тупланган. Ә УАЗ машинасы Теләче районы тарафыннан әзерләнгән. Ул хәрбиләребезгә файдалануга калдырылачак. Оештыручылар махсус хәрби операция зонасындагы ир-егетләребезгә ярдәм итүгә өлеше кергән һәркемгә олы рәхмәтләрен җиткерә.