“Игенче» җәмгыяте боз мәйданчыгында агросәнәгать хезмәткәрләрләре профсоюзының район комитеты призына авыл хуҗалыгы предприятиеләре командалары арасында шайбалы хоккей турниры үткәрелде.

автор, 10 март 2025 - 08:05

217

Ярышта “Игенче” җәмгыяте, “Тимершык”, “Мөхәммәтшин” крестьян-фермер хуҗалыгы командалары катнашты.

Җиңүне Тимершык хоккейчылары яулады. Боз хуҗалары – 2нче, “Мөхәммәтшин” крестьян-фермер хуҗалыгы командасы 3нче урынны алды. Район авыл хуҗалыгы идарәсе башлыгы Гафур Хәсәншин призерларга медальләр, Грамоталар, акчалата конвертлар тапшырды. Барлык катнашучылар “Игенче”җәмгыяте уңганнары пешергән пылау, кайнар чәй белән сыйланды.