Фирдүс Тямаев нинди 5 тонна йөк сөйрәп йөри?

Əти-əнисенə, туганнарына, дусларына, кече ватанына булган мəхəббəте турында да матур эчтəлекле җырлар башкарды. Чын күңелдəн җырлавы, очып торган дəртле биюлəре, «чəнечкеле» шаярулары - барысы да урын-лы, килешүле иде. Концерт алдыннан, вакыты шактый тыгыз булуга карамастан, җырчы “Туган як” газетасы журналистлары белəн очрашып, берничə сорауга җавап кайтарды, истəлеккə фотога төште һəм газета укучыларга бəхет телəп, автографын бирде. «Татарлыгыбызны, телебезне, гореф-гадəтлəребезне, милли мəдəниятебезне саклау буенча нижгар өлкəсендə бердəнбер татар басмасы булган «Туган як» газетасы мөһим эш башкара», - диде Фирдүс. Без, үз чиратыбызда, аңа газетабызның берничə экземплярын һəм яңа 2019 елга махсус календарь бүлəк иттек.

 

 

- Əйе, дистə ел сəхнəдə булу дəверендə нижгар җирлегендə байтак туйлар алып барырга туры килде. Моннан берничə ел элек Анды сабан туенда чыгыш ясадык, аннары Сафаҗай авылында матур концерт биргəн идек. Гомумəн, Түбəн Новгородның үзенə концерт белəн беренче тапкыр килүебез. Өлкə үзəгендə концерт бирү – авыл сəхнəсендə генə чыгыш ясау түгел инде ул. “Нижгарлылар авыр халык, концертларга йөрми”, - дип куркыту- чылар булса да, без бернигə дə карамый, “ни булганы булыр инде” дип, əзерлəнеп, унбиш кеше юлга чыктык. Концертның сыйфаты югары булуы минем өчен бик мөһим. Шуңа күрə бүген махсус экраннар, яктылык эффектлары, музыкаль аппаратуралар алып килдек, авырлыклары якынча биш тонна.

 

 

- Дөресен əйткəндə, безне бер генə өлкəдə дə, бер генə районда да, хəтта бер генə авылда да начар каршы алганнары юк. Концертларыма минем кебек яшисе килеп торган, актив тамашачы килə, алар безне ярата, җырларыбызга кушылып җырлый. Мəскəүдə концертлар биргəндə дə, тамашачыларның жиде дистə процентын нижгар татар-мишəрлəре тəшкил итə дип əйтер идем.

 

 

- Без мишəрлəр, бердəм халык. Бу аеруча Түбəн Новгород, Пенза, Мəскəү, Самара, Ульян якларында нык сизелə. Сергач мишəрлəренə тукталсак, аларны шук, туры сүзле, “пробивнойлар” дип əйтер идем. Бу якларда татар-мишəрлəрнең гореф-гадəтлəре, йолалары бүгенгəчə сакланып килə, шуңа да мин сезнең белəн мактана алам. Русчалаштырып сөйлəшəбез хəзер, инде чукынасы гына калды. Балалар да, яшьтəшлəрем дə хəзер татарча җырлар тыңламыйлар, яше-карты гаджетлардан башка яши алмый.

 

 

Телебезне, мəдəниятебезне, гореф-гадəтлəребезне саклап калу юлында “Туган як” газетасы редакциясе, сез, журналистлар, тагын бер кабат əйтəм – мөһим эш башкарасыз. Юкка гына эшлəнə торган эш түгел бу, чөнки тел проблемасы киң таралды бүген. Бу биредə генə түгел, безнең Татарстанда да шулай ук. Без, үз чиратыбызда, барлык концертларыбызда бу теманы күтəреп чыгарга тырышабыз. Тик аны ничек тə хəл итəр өчен, барлык Россия, Татарстан татарларына берлəшеп эшлəргə кирəк. Тел беттеме, миллəт бетте дигəн сүз.

 

 

- Газетаны укучылар саны кимемəсен, тиражы артканнан артып торсын, халкыбыз аны яратып укысын, телебезне онытмасын иде

 

Редакция коллективына алдагы елларда да газетаның йөзен саклап калырга, укучыларны бай һəм тирəн эчтəлекле язмалар белəн куандырып торырга язсын иде. Барчагызга да саулык-сəламəтлек, иҗади уңышлар, бəхет, иминлек телим. Белегез – мин сезне просто люблю.

 

 

- Сезгə рəхмəт, исəнлектə күрешик.

 

Ə концертка килгəндə, ул искиткеч иде. Җырчыны аерып торган дəртле, шаян җырлары да, салмак, уйланырга мəҗбүр итə торганнары да яңгырады, кыскасы, җырлатты да, елатты да Фирдүс, барчабыз да бик канəгать калдык. Безгə өлкə үзəгенə барып, яраткан җырчыбыз катнашында шушындый искиткеч тамаша карау мөмкинлеге тудырган өчен, редакциябезнең дуслары - Рамил Абдуллинга, Ринат Мангушевка, Харис Хакимовка, “Лидер” ФСКсы директоры Николай Ерамасовка һəм йөртүче Виктор Кныжовка олы рəхмəтлəребезне белдерəбез.