Ел тәрбиячесе 2023

автор, 9 февраль 2023 - 09:34

446

7 февраль көнне Кукмара шәһәрендә «Йолдызлык» балалар бакчасында 2022-2023 уку елында «Ел тәрбиячесе» конкурсының зона этабы узды.

Кукмара, Саба, Балтач, Теләче һәм Мамадыш районнары педагоглары балалар белән белем бирү эшчәнлеге чарасын һәм «Минем педагогик табышым»иҗади презентациясен күрсәттеләр. Саба районыннан Шәмәрдән 1нче балалар бакчасы тәрбиячесе Садыйкова Марина Никонор кызы, Саба "Бэлэкэч" балалар бакчасы тәрбиячесе Галимова Сирина Тавкилевна, Олы Шыңар балалар бакчасының музыка җитәкчесе Сафина Римма Мөхәммәтназип кызы катнашты. Конкурсның финал өлешендә катнашучылар мартта, барлык зона этапларын уздырганнан соң билгеле булачак. Педагогларыбызга уңышлар телибез!