Бүген, 8 июнь – социаль хезмәткәрләр көне дә!

Ә инде социаль хезмәткәрләр көне 2000 нче елдан, Рәсәй Президенты фәрманы белән кабул ителеп 8 июньнән бәйрәм ителә башлый. Социаль тармак хезмәткәрләренең эшчәнлеге халыкны социаль яклауга, илебез халкы тормышының тотрыклылыгын тәэмин итүгә юнәлдерелгән. Ветераннар, инвалидлар, өлкәннәр, ялгыз кешеләр, ятим балалар, аз керемле гаиләләр — болар барысы да даими игътибар үзәгендә.
Бүген аларның бәйрәме. Районыбызның социаль яклау идарәсе эшчәнлеге, бәйрәмгә нинди уңыш, яңалык, үзгәрешләр белән килүләре хакында сөйләшер өчен без студиягә җитәкчеләре Гайнетдинова Лилия Нургаяновнаны чакырдык. Катлаулы хезмәтегездә игелекле йөрәк, югары әхлак, сабырлык, кешеләрне ярата белү, аларга ярдәм күрсәтү омтылышы бик кирәк. Боларның барысын да без сезгә телибез. Шулай ук ныклы сәламәтлек, күтәренке кәеф һәм тормышның яме һәрвакыт сезнең белән булсын!