Бүген Таиландтан кайтучы татарстанлылар арасында сабалылар юк

Ләйлә Фазлыева Казанга төшәчәк самолетта республиканың кайсы районнарыннан күпме кеше булуын әйтте.

«Кайберәүләр балалары белән барган. Исемлектә 18 яшькә кадәр 27 кеше. 2018-2019 елларда туган балалар бар», — диде. Яше 65 тән узган биш кеше исәпләнә. Алар барысы да автобуска утыртылып, ике атнага «Ливадия» санаториена обсерваторга озатылачак.

Ләйлә Фазлыева әйтүенчә, кайтучылар исемлегендә 115 кеше, ләкин күбрәк булуы да ихтимал. «Бортта Киров өлкәсе гражданнары да бар. Алар да обсерваторга җибәрелә. 115 кешенең 60ы — Казаннан, Чаллыдан — 23, Әгерҗе — 1, Әлмәт — 4, Бөгелмә — 1, Югары Ослан — 4, Алабуга — 1, Зәй — 1, Яшел Үзән — 5, Лаеш — 3, Мамадыш — 1, Түбән Кама — 8, Питрәчтән өч кеше», — диде.

Премьер-министры урынбасары әйтүенчә, туристларны төшергәч, автобус дезинфекциягә җибәреләчәк. Автобус йөртүче өчен максималь күләмдә саклау чаралары кулланылачак.

https://tatar-inform.tatar/