Безне юллар, юллар чакыра...

автор, 1 декабрь 2023 - 09:20

353

Безне һәрчак радиотыңлаучыларыбыз, телевизор караучыларыбыз чакырып тора.Питрәч районы Кибәч авылында булып кайттык әле. Зур, иркен, заманча мәдәният йортында тыңлаучыларыбыз белән очраштык.

Мондый чаралар бер сәбәпсез генә булмый, 24 сәгать рәттән сөйләп торучы "Дулкын" радиосында күп исемдә тапшырулар алып барыла. Шуларның берсендә Кырбаш авылы клубы каршында эшләп килүче "Нардуган" фольклор коллективы катнашкан иде.
Эфир аша бирелгән сорауга Кибәч кешесе Александр җавап кайтарды. Менә шул - очрашуга сәбәп булды.

Кибәчеләр безне карарга зал тутырып килгәннәр. Очрашу җыр-музыка, уен-көлке, кичке уеннар һәм сорау җавап формасында барды.