Саба ТВ

Саба районы

16+
Радио һәм телевидение яңалыклары

Рөстәм Миңнеханов дүрт яшь татарстанлының Яңа ел теләген үтәячәк

«Теләкләр чыршысы» акциясендә республиканың муниципаль берәмлек башлыклары да катнашты, алар 60 баланың теләген үтәячәк.

(Казан, 17 декабрь, «Татар-информ»). Татарстан Президенты Рөстәм Миңнеханов «Теләкләр чыршысы» Яңа ел акциясендә катнашты. Бу хакта ТР Президентының матбугат хезмәте җитәкчесе Лилия Галимова хәбәр итте.

Рөстәм Миңнеханов дүрт яшь татарстанлының Яңа ел теләген үтәячәк. 13 яшьлек Арслан синтезатор турында хыяллана; 14 яшьлек Гаделгә Президент планшет бүләк итәчәк; 15 яшьлек Роман Яңа елга спорт сумкасы бүләк итүне сораган; 7 яшьлек Егорга исә Президент уенчык машина («Молния Маккуин») тапшырачак.

Чара бүген «Татарстан Республикасы муниципаль берәмлекләр советы» ассоциациясе съезды вакытында узды. Акциядә муниципаль берәмлек башлыклары да катнашты, алар 60 баланың Яңа ел теләген үтәячәк.

Реклама

Чарада Яңа елга кадәр катнашырга мөмкин. Акциядә офлайн, шулай ук онлайн рәвештә дә (проектның елкажеланий.рф сайты аша) катнашу мөмкинлеге бар.

«Чарада катнашуның мәҗбүри шарты – теләк 2021 елның 28 февраленә кадәр үтәлергә тиеш», - дип өстәде Галимова.

Акция «Минем белән бергә хыяллан» Бөтенроссия хәйрия проекты тарафыннан оештырылган. Аны Россия Президенты Владимир Путин да хуплады.

Следите за самым важным и интересным в Telegram-каналеТатмедиа

 

 

Безнең Вконтаке челтәренә языл! 

Кызыклы яңалыкларны күзәтеп бару өчен Телеграм каналга язылыгыз

 

 

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев