8 февральгә һава торышы

Бүген Татарстанда кар явачак, тәүлегенә 6 ммга кадәр булачак. Бу хакта ТР Гидрометүзәгенең матбугат хезмәте хәбәр итә.

Җил көньяк, көньяк-көнбатыш тизлеге секундына 7-12 метр, көндез урыны белән җил секундына 20 метрга җитәчәк. Һава температурасы төнлә -20 градуска кадәр төшкәннән соң, иртәнге якта термометр баганасы -7дән -12 градуска кадәр күрсәтәчәк. Көндез һаваның максималь температурасы -1дән -6 градуска кадәр көтелә.

Синоптиклар бозлавык, юлда кар көртләре турында кисәтә.