7 ноябрьгә һава торышы
Бүген, 7 ноябрьдә, үзәге Ак диңгез өстендәге төньяк циклонның актив фронталь бүленеше аркасында Татарстанда һава шартлары начарланачак. Бу хакта Татарстан Гидрометеорология үзәге кисәтә.
Республикада болытлы һава торышы булачак. Иртәнге һәм көндезге сәгатьләрдә бөтен республикада яңгырлар ява, урыны белән (әмма Казанда түгел) — көчле яңгырлар. Кайбер районнарда томан төшәчәк.
Җил көньяк-көнчыгыштан, 7-12 м/с тизлектә, вакыт узу белән юнәлешен көньяк-көнбатышка үзгәртә. Кайбер урыннарда (Казан территориясендә түгел) ул 15 м/с кадәр көчәячәк, дип билгеләп үтә синоптиклар.
Тәүлекнең якты вакытында Татарстанда һава температурасы 5-10 градус җылы булачак (республика башкаласында +6..+8 градус).
Чыганак: https://tatar-inform.tatar/news/tatarstanda-kocle-yangyrlar-ham-toman-kotela-5878728
Следите за самым важным и интересным в Telegram-каналеТатмедиа
Нет комментариев