15 февраль – Әфганчылар көне

15 февраль көнне илебез Совет гаскәрләренең Әфганстаннан чыгарылган көнен искә ала. 1989 елдан башлап бу көн илебездә Әфганчылар көне буларак билгеләп үтелә.

Бүген районда әфганчылар бер-берсе белән күрешеп истәлекләр, хатирәләр барлаша, мәктәпләрдә алар белән очрашулар уздырыла.

Югалтулар көтмәгәндә була,
Өзелә юл, гөрләп яшәр чакта.
Онытырга безнең хакыбыз юк -
Шушы җырым, дустым, синең хакта.

Биек таулар иле, янәшәдә
Үлем йөрде, булды яныбызда.
Аямадык үзебезне, дустым,
Тугры калдык хәрби антыбызга.

Тик язмышны алдый алмыйбыз шул:
Хатлар килми күптән син дустан.
Тәкъдир язган булган маңгайларга
Туганчы ук бер сүз - Әфганстан.

Юныс Миңнемөхәммәтов.

Бу шигырь сүзләре мәрхүм әфганчыларның рухына дога булып барып ирешсен иде.

http://baltaci.ru