14 май көнне «Сабантуй» мәдәни – спорт комплексында биатлон буенча 2024/2025 елгы сезонга йомгак ясалды.

Биатлон тренеры Шакирҗанов Дамир Миннегәрәй улы еллык эш нәтиҗәсенең презентациясе белән чыгыш ясады. Ул биатлон белән шөгыльләнүче балаларның ел буена ирешкән уңышлары, аларның казанышлары турында сөйләде. Саба муниципаль районы башлыгы яшьлектә үзе дә биатлон белән шөгыльләнгәнен искәртеп, биатлончыларга киңәш-фикерләрен җиткерде.Биатлон Федерациясе президенты "Биатлонда беренче адымнар", "Яшь биатлончылар", "Разрядтан мастерга", "Спорт өметләре", "Төз атучы", "Иң җитез" һәм башка номинацияләрендә урын алган балаларны грамота һәм спонсордан истәлекле бүләк белән тәбрикләде.
Чарадан балалар үзләренә киләчәк тренировкаларга һәм ярышларга көч алып, күңел күтәренкелеге белән таралыштылар.