12 июнь – Россия көне!

Бу көн Россия өчен бик тә әһәмиятле көн, зур бәйрәм! 2002 елга кадәр Дәүләт суверенитеты турында Декларация кабул итү көне дип йөртелгән, бүген исә “Россия көне” буларак билгеле булган бу көн – илебездәге иң “яшь” бәйрәмнәрнең берсе.
Кызганычка каршы, күп кенә рәсәйлеләр әлеге бәйрәмнең тарихын һәм ни өчен билгеләп үтелүен дә белмиләр. Алар өчен бу – чираттагы ял гына. Шулай да онытырга ярамый, ул, – иң беренче чиратта, Азатлык бәйрәме, гаделлек һәм килешү, бәйсезлек көне.
Бүген дә әлеге бәйрәм ватанпәрвәрлек хисләре белән уята. Ул төрле милләтләр бердәмлеге, Ватаныбызның бүгенгесе, киләчәге өчен җаваплылык символы булып тора. Бу бәйрәм барыбызда да Ватанга мәхәббәт, горурлык хисләрен арттырсын, яшәү рухы өстәсен!