Сырлы тәбикмәк рецепты

автор, 14 июнь 2019 - 14:35

1574

Сырлы тәбикмәк рецептын тәкъдим итәм.

Камыр өчен: 100 г йомшак эремчек, 50 мл сөт, 1 йомырка, 40 г сыр, 3 кашык дөге оны, тоз, суган кыягы яки укроп.

Барлык ингредиентларны бергә кушып болгатабыз (сырны угычтан уабыз). Кызган табага салып, өстен каплап торабыз, бераздан әйләндерәбез. Минем 2 тәбикмәк килеп чыкты, 4 кә бүлгәч, 8 булды.

Җылы килеш ашагыз, алай тәмлерәк.

Автор: Айгөл ГАТАУЛЛИНА

Фото: Айгөл Гатауллина