Кишер яфрагы белән тозланган помидор

3 литрлы банкага 2-3 тырнак сарымсак, 4-5 түгәрәк борыч, бер уч кишер яфрагы салып, помидорларны (помидорларны теш таякчыгы белән берничә җирдән тишеп чыгарга) тутырырга. Кайнар су коеп 15 минут тотарга. 

• 3 литрлы банкага 1,5 л тозлык керә. Димәк, ике банкага 3 литр тозлык әзерлисе була.

Тозлык: 1 л суга 1 аш кашыгы тоз, 5 аш кашыгы шикәр комы кушарга. Кайнап чыккач, 3 аш кашыгы 9 %лы аш серкәсе өстәргә.

Помидорның суын саркытып, тозлыкны коярга һәм каплап, банкаларны төреп куярга. 

Тәмле булсын!

Фото: А.Каримуллина