Чәк - чәк рецепты

Кирәк була:  

• Өч йомырка
• Өч йомырка сарысы
• 1 чәй калагы майонез
• Әз генә тоз
• Ярты чәй калагы разрыхлитель

Эш барышы:  

1. Он салып токмач камыры кебек камыр басабыз
2. Өч җәемгә бүләбез
3. Бик юка итмичә генә җәябез(чама белән 5 мм)
4. Бераз камырны киптереп алабыз( кисәргә җайлы булсынга)
5. Җәйгән җәймәне тасмалап кисәбез
6. Токмачтан калынрак итеп тагы кискәлибез
7. Кызган майга салып тиз арада пешереп тә алабыз

Баллар өчен:

100 мл суга 200 гр шикәр комы салып 7-8 минут тирәсе кайнатып алырга, 3 аш калагы бал кушарга, яңадан 3-4 минут кайнатырга.
Әзерлеген белер өчен салкын суга салып карыйбыз. Сироп суда җәелеп китмәсә әзер дигән сүз.
Сиропны төшләребезнең өстенә салып, болгатып, савытларга өеп, катырып куябыз.

Рецепт һәм фото авторы: Мәрьям Миннегулова