Әче камырдан күпереп торган коймак пешерүнең серләре

Суга басылган камырдан коймак күпереп, тәмле булып пешә. Мондый коймакны пешерүе дә җиңелрәк.

Коймак матуррак – кызарыбрак, челтәрләнебрәк пешсен өчен онны иләгәч, бераз “ял иттерергә” һәм шуннан соң гына камыр изәргә кирәк.

Суга тоз салып болгаткач кына он өстәргә. Болай эшләгәндә, камыр төерчекләнмәячәк.

Камыр табага ябышмасын өчен суның кайнар булуы кирәк.

Коймак өчен чи чүпрә әйбәт. Шулай ук тоз һәм шикәр комының чамасын белү шарт. Тозы күбрәк булган камыр начар әчи, шуңа күрә коймаклар төссез килеп чыга. Ә инде шикәр комын күбрәк салган очракта коймак тиз искерә.