Саба ТВ

Зәйнәб Фәрхетдинова түләүсез зур концерт куя

Татар эстрадасының танылган җырчысы, Татарстанның халык артисты Зәйнәб Фәрхетдинова үзенең туган көнендә - 17 августта якташлары өчен Ык буенда зур концерт куярга җыена.

«Бәешле болыннарында концерт кую Зәйнәбнең күптәнге хыялы иде. «Алтын юбилее» көнендә без аның бу хыялын тормышка ашырырга уйладык. Татарстанның Азнакай районы хакимияте белән килешеп, Ык елгасы буенда, ачык һавада халык өчен зур бәйрәм ясыйбыз. Азнакай районыннан чыккан сәнгать әһелләре катнашында концерт, соңыннан яшьләр өчен дискотека булачак, салютлар атылачак», - дип хәбәр итте "Татар-информ" агентлыгына җырчының хәләл җефете, Татарстанның халык артисты Зөфәр Билалов.

Концерт 17.00 сәгатьтә башлана, керү - түләүсез.

Зәйнәбнең алтын юбилее Казан тамашачысы өчен "Спорт сараенда" 30 сентябрьдә уздырылачак. Алга таба юбилей концертлары Мәскәүдә, Уфада дәвам итәчәк.

Мәгълүмат өчен. Татарстанның халык артисты Зәйнәб Фәрхетдинова 1967 елның 17 августында Үзбәкстанда туган. Азнакай районының Сарлы авылында үскән. Ире, Татарстанның халык артисты Зөфәр Билалов белән бергәләп утыз елга якын концерт эшчәнлеге алып баралар.

---
Матбугат.ру

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: