Саба ТВ

Саба районы

Радио һәм телевидение яңалыклары

Зәйдән чыкканда булган һәлакәттә үлүчеләрнең туганнары өчен кайнар линия ачылды

Һәлакәт нәтиҗәсендә зыян күргәннәр турында мәгълүматны Республика катастрофалар медицинасы үзәге кайнар линиясе буенча шалтыратып белергә була.

(Казан, 2 июль, "Татар-информ", Валерия Белова). Зәйдәге һәлакәттә үлгән һәм зыян күргәннәрнең туганнары өчен кайнар линия ачылды, дип хәбәр итте Татарстан Сәламәтлек саклау министрлыгы матбугат сәркәтибе Айгөл Сәлимҗанова.

"Юл-транспорт һәлакәтендә зыян күрүчеләр турында барлык мәгълүматны Республика катастрофалар медицинасы үзәге кайнар линиясе телефоны (843) 231-20-70 буенча белергә була. Үлүчеләр турында мәгълүматны Республика суд-медицина экспертизасы бюросының (843) 273-91-45 телефоны буенча алырга мөмкин", - дип белдерде Айгөл Сәлимҗанова.

Искәртеп узабыз, Бүген 00.37 сәгатьтә Зәйдән Әлмәткә таба чыгу юлында "Неоплан" пассажир автобусы белән "КАМАЗ" йөк машинасы бәрелешә. Бәрелешүдән соң "Самара-Ижау" шәһәрара автобусы кюветка әйләнеп төшә һәм яна башлый.

Юл-транспорт һәлакәтендә 13 кеше үлгән, шуларның икесе бала. Шулай ук 15 кеше зыян күргән, шуларның 12се хәзерге вакытта стационарда. Тагын 3 кеше амбулатор дәвалануга юнәлтелгән.

Следите за самым важным и интересным в Telegram-каналеТатмедиа

 

 

Безнең Вконтаке челтәренә языл! 

Кызыклы яңалыкларны күзәтеп бару өчен Телеграм каналга язылыгыз

 

 

 

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев