Саба ТВ

Юл һаләкәтенә юлыгучылар ялдан кайтучы яшь парлар булган [+фото]

20 нче апрель көнне Питрәч районында юл-транспорт һәлакәтенә юлыккан җиңел машинада туй сәяхәтеннән кайтып килүче яшь пар һәм әти-әниләре булган, дип хәбәр итә социаль челтәрләр кулланучылары.

Яшьләр Тайландтан Казан аэропортына кайтып төшкән, анда аларны әти-әниләре каршы алган. Алар өйләренә, Воткинскка юнәлгән, юлда һәлакәткә тарыганнар.
Кичә иртән М7 трассасының 878нче чакрымында Отар-Дубровка авылы борылышында фура, йөк машинасы һәм Удмуртия номерлары белән "Шевроле" бәрелешкән, һәлакәт нәтиҗәсендә ике ир-ат урында ук үлгәннәр. Ике пассажир хатын-кыз госпитализацияләнгән.
Социаль челтәрләрдән файдаланучылар хәбәр итүенчә, соңрак аларның берсенең гомере өзелгән, табиблар икенче яшь хатын-кыз гомере өчен көрәшә.

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: