Яз килде дип чишенмәгез

автор, 13 апрель 2017 - 11:05

1595

Менә сиңа мә! Кыш узды, ә салкын вакытка хас булган чирләрдән арынып булмый әлегә. Грипп, салкын тидереп авырып яту галәмәте күзәтелә. Белгечләр язга алданмаска, киенеп йөрергә киңәш итә. Язга таба кешенең иммунитеты какшаган була, шуңа салкын тидерү берни тормый. Россиянең өч төбәгендә грипп һәм тын юлларының кискен вируслы инфекцияләр белән...

Илнең 15 мәктәбендә укулар туктатылган. Грипп эпидемиясе турында "РИА Новости" агентлыгына Роспотребнадзор башлыгы Анна Попова белдергән. "Грипп һәм тын юллары кискен вируслы инфекция белән авыручылар саны кими, әмма бу процесс бик озак бара, вируслар артка чигенергә ашыйкмый", - ди А. Попова. Аның сүзләренә караганда, атналык эпидемик чикне узу Россиянең өч төбәге: Коми Республикасы, Чиләбе һәм Кемерово өлкәләрендә теркәлгән. Анна Попова әйтүенчә, шулай ук ике яшькә кадәр балалар арасында атналык эпидемия чиге дүрт төбәктә арткан, 3тән 6 яшькә кадәр - алты төбәктә, мәктәп укучылары арасында - ике төбәктә. 15 яшьтән өлкәнрәкләр арасында атналык чикне узу ике атна рәттән теркәлмәгән.

Татарстанга килгәндә, 3 апрельдән алып 9 апрельгә кадәр 13 мең 750 татарстанлы тын юлларының кискен вируслы инфекцияләрен йоктырган. Бу хакта Татарстан буенча Роспотребнадзор идарәсе матбугат хезмәте хәбәр итте. Соңгы атна эчендә республикада авыручылар 4,8 процентка кимегән. Авыручылар саны эпидемик чиктән 53,9 процентка түбәнрәк дип хәбәр ителә.