Яшелүзәнле 218 мең сум акчасыннан колак каккан

автор, 30 ноябрь 2017 - 10:37

1108

64 яшьлек ханым үзе белмәгән хатынны фатирына керткән һәм аның бозык чыгарам диюенә ышанган.

Яшелүзәнле 218 мең сум акчасыннан колак каккан

Заманча мошенниклык ысуллары күбәйсә дә, чегәннәрнең бозык алып ташлыйм дигәне күптәнге юл. Шулай булуга карамастан, андыйларга да ышанучылар һаман булып тора.

Узган атнада Яшел Үзәннең Королев урамында яшәүче 64 яшьлек пенсионерка ханым шундый аферага ышанып, күз ачып йомганчы 218 мең сум акчасыннан колак каккан. Ул үзе белмәгән хатынны ни өчен фатирына керткәндер һәм аңа эч серләрен чишкәндер, анысын хәзер полицейскийлар ачыклый, дип яза җирле басма.