Саба ТВ

Ветераннар һәм тыл хезмәтчәннәре Җиңүнең 75 еллыгына түләүләрне апрельдә алачак

Россия Президенты Владимир Путин бүген ил халыкына мөрәҗәгать итте.

(Казан, 25 март, «Татар-информ», Вероника Ваганова). Ветераннар һәм тыл хезмәтчәннәре Бөек Ватан сугышында Җиңүнең 75 еллыгы уңаенна бер тапкыр бирелә торган түләүләрне апрельдә алырга тиеш. Бу турыда Россия Президенты Владимир Путин коронавирус вазгыяте буенча халыкка мөрәҗәгатендә әйтте.

«Ветераннарга һәм тыл хезмәтчәннәренә Бөек Җиңүнең 75 еллыгына 75 мең һәм 50 мең сум акча май бәйрәмнәренә кадәр, апрельдә үк түләнергә тиеш», — диде ул.

 

Бөек Ватан сугышында катнашучылар һәм инвалидлар, «Ленинград блокадасында яшәүчегә» билгесе белән бүләкләнгән кешеләр, балигъ булмаган килеш фашист лагерьларына эләккән тоткыннар, Финляндия, Бөек Ватан сугышы, Япония сугышында һәлак булган хәрби хезмәткәрләрнең һәм Бөек Ватан сугышында катнашучыларның тол ирләре һәм тол хатыннары, сугыш ветераннары 75 мең сум күләмендә акча алачак.

Сугыш ветераннары — тыл хезмәтчәннәре һәм балигъ булган яшьтә тоткынлыкка эләккән кешеләргә 50 мең сум түләнәчәк.

 

Фото: e-nkama.ru

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: