Радио һәм телевидение яңалыклары
Транспорт министрлыгы машина йөртүчеләр өчен квалификация имтиханы кертергә җыена
Әлеге система СССР заманында кулланылды һәм йөртүчеләрнең хезмәт хакы шуңа бәйле иде.
(Казан, 27 июль, "Татар-информ"). Россия Транспорт министрлыгы машина йөртүчеләрне квалификация имтиханы тапшырырга мәҗбүр итмәкче. Аның нәтиҗәләре буенча йөртүчеләр квалификация турындагы таныклыкка ия булачак, дип яза "Известия".
Машина йөртүчеләр имтиханнан баш тарта алмаячак. Югыйсә, аларга эштән куылу яный. Квалификация турындагы таныклык машина йөртүчеләргә квалификаөияне бәяләү үзәкләрендә биреләчәк. Квалификация узмаган машина йөртүчеләрне транспорт чарасы белән идарә итүдән тыю турындагы канун проекты министрлык тарафыннан Хөкүмәткә тапшырылган инде.
Исегезгә төшерәбез, әлеге система СССР заманында кулланылды һәм йөртүчеләрнең хезмәт хакы класска бәйле иде.
Следите за самым важным и интересным в Telegram-каналеТатмедиа
Нет комментариев