Тәндә ни өчен миңнәр барлыкка килә?

Миңнәр һәр кешедә дә бар диярлек, тик алар кемдәдер күбрәк, ә кемдәдер әзрәк. Кайбер очракларда тәннең берәр өлешендә миңнәрнең артык күп булуы да күзәтелә.

Тикшеренүчеләр сүзләренчә, әлеге процесска берничә фактор йогынты ясый икән. Алар арасында нәселдәнлек, шулай ук УФ-нурланыш бар.

Тәҗрибә уздырганда, белгечләр 3 мең игезәкне күзәткән, аларның тәннәрендәге миңнәрен өйрәнгәннәр. Миңнәр аякта күбрәк очрый икән, ә менә корсакка яки аркага сирәк чыгалар, ди. Гомернең беренче яртысында кешенең тәнендә яңа миңнәр барлыкка килергә мөмкин, икенче өлешендә аларның бер өлеше йә юкка чыга, йә тышкы яктан үзгәрә икән.

Чыганак: Интертат

Фото: https://pixabay.com/