ТӘМЛЕ, МАТУР КЕКС ЯСАУ ЫСУЛЫ [РЕЦЕПТ]

автор, 20 июль 2018 - 13:05

853

Нинди матур десерт икән бу дисезме? Баш ватмагыз, гади кекс бу. Бизәлеше – искиткеч. Әниең эштән кайтуга, кунаклар килешкә, яраткан абыеңны сөендерергә бер дигән татлы ризык булыр. Шуңа да үзеңә саклап куерга онытма!

КИРӘКЛЕ ИНГРЕДИЕНТЛАР:
– 5 йомырка
– 2 ст шикәр комы
– 200 гр йомшак атланмай
– ванилин
– күперткеч
– 2-2,5 ст он
– 3 аш к. сөт
– 2 аш к. какао
– кунжут мае

ӘЗЕРЛӘҮ ПРОЦЕССЫ:
Шикәр комы, атланмай, йомыркаларны 3-5 минут дәвамында болгатабыз. Крем кебек катнашма килеп чыгарга тиеш. Аннары он, ванилин һәм күперткеч өстибез. Килеп чыккан камырны ике өлешкә бүләбез. Берсенә сөт һәм какао өстибез, икенчесенә тимибез. Моннан ары нишлисе икәне видеода күрсәтелгән.175 градуска кадәр кызган духовкада әзер булганчы пешерәсе.

ЧӘЙЛӘРЕГЕЗ ТӘМЛЕ БУЛСЫН!