Телевизор караучылар игътибарына

автор, 3 июль 2019 - 14:15

852

Шәмәрдәндәге радиотелеүзәктә планлы ремонт эшләре алып барылу сәбәпле, 2-4 июль көннәрендә 8дән 18 сәгатькә кадәр аналог һәм цифрлы телевидение тапшырулары трансляцияләнми.

Ә аналог телевидение гомумән бетүгә таба бара. Татарстанда әлеге тапшырулар туктату, килеп туган вәзгыятьне исәпкә алып, 3 июньнән 14 октябрьгә күчерелде. Цифрлы телевидениедә сурәт һәм тавыш бирү сыйфаты югарырак, шулай ук элек булмаган яңа сервислар (арбид, субтитрлар һ. б.) тәкъдим ителә. Әгәр телевизор 2013 елга кадәр чыккан икән, цифрлыны карау өчен сигналны кабул итүче кушымта (приставка) һәм дециметрлы антенна кирәк булачак. Белгечләр аны фәкать махсус кибетләрдән генә сатып алырга киңәш итә. Шулай ук почта элемтәләре бүлекчәләре аша да приставкаларга заявка бирергә була.