Татарстанның бер авылына Айдар Галимовны "бүләк иткәннәр"

автор, 16 июнь 2017 - 10:33

615

Татар эстрадасының суперйолдызы Айдар Галимов Тукай районы Мәләкәс авылына концерт белән килә. Артистны авылга Иван Еремеев чакырган. Ул тумышы белән Мәләкәс авылыннан, хәзерге вакытта Санкт-Петербург шәһәрендә яши, прокурор урынбасары булып эшли.

Иван Алексеевич туган авылын, авылдашларын онытмый, артистларны исә ул әнисе Мария Еремееваның юбилее уңаеннан чакырган. Шул рәвешле әнисенә генә түгел, ә бөтен авылга бүләк ясаган, дип яза Якты юл.

Артист 17 июнь, шимбәкөнне килә. Концерт 18.00 сәгатьтә Мәләкәс авылы мәйданында була.