Татарстанның ЮХИДИ идарәсе машина йөртүчеләргә ерак юлга чыкмаска киңәш итә
Бүген республикада буран аркасында күз күреме начарайды, юлларда кар көртләре һәм бозлавык хасил булды.
(Казан, 24 декабрь, «Татар-информ»). Татарстанның ЮХИДИ идарәсе машина йөртүчеләргә ерак юлга чыкмаска киңәш итә. Бу хакта ведомствоның матбугат хезмәте хәбәр итә.
Бүген республикада буран аркасында күз күреме бик нык начарайды, юлларда кар көртләре һәм бозлавык хасил булды.
Шуңа бәйле рәвештә Дәүләт автоинспекциясе машина йөртүчеләргә ихтыяҗ булмаганда торак пунктлардан читкә чыкмаска, шулай ук юл хәрәкәте кагыйдәләрен төгәл үтәргә киңәш итә.
Машина йөртүчеләргә уяу булырга, куркынычсыз тизлекне саклап хәрәкәт итәргә һәм каршы як полосага чыгу белән бәйле куркыныч маневрлардан сакланырга кирәк.
Следите за самым важным и интересным в Telegram-каналеТатмедиа
Нет комментариев