Саба ТВ

Татарстанда ЮХИДИ инспекторлары юлда машиналары ватылып калган гаиләгә ярдәм иткән

Шәһәр читендәге юлдан барган вакытта аларның машиналары сүнгән.

(Казан, 13 декабрь, «Татар-информ», Полина Шевчук). Татарстанда ЮХИДИ инспекторлары юлда машиналары ватылып калган гаиләгә ярдәм иткән. Бу хакта «Татар-информ» агентлыгына республика Дәүләт автоинспекциясеннән хәбәр иттеләр.

Шәһәр читендәге юлдан барган вакытта аларның машиналары сүнгән. Ир-ат автомобильне төзәтергә тырышып караса да, нәтиҗәсе булмаган. Ирнең хатыны һәм өч яшьлек кызы салкында туңа башлаган.

Янәшәдән үтеп барган ЮХИДИ инспекторлары – полиция лейтенанты Евгений Липатов һәм полиция кече лейтенанты Евгений Черняев юл читендә туктап торган автомобильгә игътибар иткән. Полицейскийлар, хәлнең сәбәбен ачыклау өчен, алар янында туктаган.

Инспекторлар гаиләне патруль автомобиленә утыртып, аларга кайнар чәй биргән, үзләре исә машинаны төзәтергә ярдәм иткән.

Гаилә, полицейскийларга рәхмәт әйтеп, юлын дәвам иткән.

 

Фото: республиканская Госавтоинспекция

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: