Саба ТВ

Татарстанда йорт хуҗасы ике каракны үтергән

Караклар бизнесмен өенә бәреп кереп, хуҗаны һәм аның хатынын бәйләп куйганнар.

Бөгелмәдә үзенә һөҗүм иткән ике каракны йорт хуҗасы үтергән. Бу турыда социаль челтәрләргә сылтама белән, “Татар-информ” хәбәр итте.

Бөгелмәдәге эшмәкәр йортына 12 сентябрь көнне иртән-иртүк һөҗүм иткәннәр. Караклар бизнесмен өенә бәреп кергән. Хуҗаны һәм аның хатынын бәйләп куйганнар.

Коттеджда сигнализация булган. Шуны сүндерер өчен караклар хуҗаны бәйләгән бауларны сүткәннәр. Шул вакытта хуҗа, пычак табып, каракларга берничә тапкыр кадаган.

Алган җәрәхәтләрдән җинаятьчеләр һәлак булган. Өченче карак машинага утырып качкан. Аны табу өчен шәһәрдә “Перехват” игълан иткәннәр. Берничә сәгатьтән соң, өченче карак утырган машинаны тапканнар. Җинаятьчене Совет урамында тоткарлаганнар.

Җинаятьчеләр пистолет белән коралланган булган, диелгән әлеге хәбәрдә.

 

 

Фото: социаль челтәрләр, "Татар-информ"

https://intertat.tatar

 

 

Безнең соц. челтәрләргә кушыл ===>>> Инстаграм, ТикТок

__________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: