Саба ТВ

Татарстанда урып-җыю эшенең 84 проценты төгәлләнде

Урып-җыю эшен беренчеләрдән булып Аксубай игенчеләре төгәлләргә мөмкин.

(Казан, 13 сентябрь, "Татар-информ"). Татарстанның Авыл хуҗалыгы һәм азык-төлек министрлыгы оператив мәгълүматларына караганда, 13 сентябрь көненә республикада 1238,9 мең гектар мәйданнан бөртекле һәм кузаклы культуралар суктырып алынган. Бу пландагы мәйданның 84 процентын тәшкил итә.

Татарстан игенчеләре бу көнгә 4279,4 мең тонна ашлык суктырып алган. Гектар уңышы 34,5 центнер тәшкил итә.

Башкарылган эш күләме буенча беренче урында Аксубай районы игенчеләре бара. Биредә пландагы эшнең 7 процентын гына төгәллисе калган. Эш темпы шулай ук Нурлат, Саба (8әр процент), Зәй, Әтнә (9ар процент), Спасс, Чистай, Лаеш һәм Әлки (10ар процент) районнарында да югары.

Ә Кама Тамагы (35 процент), Югары Ослан (28 процент), Тукай һәм Бөгелмә (27шәр процент) районнарында урып-җыю эшен тизләтергә кирәк.

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: