Татарстанда трассада булган авариядә ике кешенең гомере өзелгән

Татарстанда Казан-Оренбург трассасында ике кеше җитди авариянең корбаны булган. Бу хакта "Татар-информ"га юл-транспорт һәлакәте шаһитлары хәбәр итте.

"Бүген иртәнге сәгать дүртләр тирәсендә Чистай районында ике "Лада" машинасы бәрелешкән. Нәтиҗәдә, машиналарның берсе юл читенә төште һәм янды", – дип сөйләделәр авария шаһитлары.

Ике машина шоферы да юл-транспорт һәлакәтендә үлгән. Күпсанлы имгәнүләр белән ике җиңел машинаның пассажиры хастаханәгә китерелде.

Фото: очевидцы

tatar-inform.tatar