Татарстанда көндезге сәгатьләрдә «тыныч вакыт» кертелә
Якын арада ТР Дәүләт советына 13:00 сәгатьтән алып 15:00 сәгатькә кадәр аралыкта тынычлыкны бозуны һәм ремонт белән шөгыльләнүне тыя торган канун проекты кертеләчәк.
Хәзерге вакытта «Төнлә гражданнарның тынычлыгын саклау турында» канун нигезендә Татарстанда эш көннәрендә 22:00 сәгатьтән 6:00 га кадәр һәм бәйрәм, ял көннәрендә 22:00 дән 9:00 сәгатькә кадәр тынычлык сакланырга тиеш. Ә көндезге «тыныч вакыт» турында канун чыгаруны гражданнар үзләре сорап мөрәҗәгать итә: «Халык тынычлык турындагы карарны үзгәртүне сорый, — дип белдергән «Коммерсант«ка канунчылык һәм хокук тәртибе парламент комитеты рәисе Рафил Ногманов. — Без хәзерге тыныч вакыт турындагы канунга көндезге вакытта тынычлык бозуны тыюны да өстәргә телибез. Бу турыда бигрәк тә бала имезүче әниләр сорый».
Канун проектын 2018 елның ахырына кадәр караячаклар.
Следите за самым важным и интересным в Telegram-каналеТатмедиа
Нет комментариев