Радио һәм телевидение яңалыклары
Татарстанда кесәсенә 100 мең сум акча кыстырган 88 яшьлек әби балконнан җәймә буенча төшмәкче булган
Гомер көзе һәр кешегә төрлечә килә. Кемдер чит кеше ярдәменә мохтаҗ булмыйча үз көнен үзе күрә, ә кемдер ярдәмнән башка тормышының бер мизгелен дә уздыра алмый. Бик еш өлкәннәрне куркыныч уйлар били.
Туганнарына йөк буласы килмәү теләге белән ялгыш адымнар ясаганнарның да саны бихисап, дип яза Әлмәт таңнары.
Минзәләдә туганы белән бик яхшы яшәп яткан 88 яшьлек әбинең дә гомере аянычлы тәмамлана. Бервакыт туганы әбине ялгызын калдырып кибеткә чыгып китә. Әби нишләптер җәймәләр буенча балконнан аска төшәргә ниятли. Тик егылып төшә һәм шунда ук дөнья белән хушлаша.
Полиция хезмәткәрләре аның кесәсеннән 100 мең сум акча таба. Туганы әйтүенчә, әби аларны үлемтегенә дип җыйган булган икән.
---
Матбугат.ру
Следите за самым важным и интересным в Telegram-каналеТатмедиа
Нет комментариев