(Казан, 8 сентябрь, "Татар-информ"). Сайлау хокукы булган татарстанлыларның 14 проценттан артыгы 10:00 сәгатькә сайлауда катнашкан. Бу хакта ТР Үзәк сайлау комиссиясе рәисе Мидхәт Шаһиәхмәтов хәбәр итте.
Традиция буенча иң активы - авыл районнары. Кайбычта сайлаучыларның 50,5, Апаста 47,8, Әтнәдә 41,2 проценты сайлауда катнашкан.
Бердәм мәгълүмат үзәге модераторы Фирдүс Гыймалтдинов әйтүенчә, социаль челтәрләр сайлау участокларыннан фотолар белән тулган. "Республикада бәйрәм рухы хөкем сөрә, Киров районында сайлаучылар тулы бер ишегалды белән бергә килгән. Кешеләр үзләренә үзләре бәйрәм оештыра", - диде ул.
Нет комментариев