Саба дулкыннары

Татарстанда атна уртасыннан көннәр салкынайта

Якшәмбе, 9 февральдә, көндезге сәгатьләрдә һава температурасы -13 градустан артмаячак.

Татарстанга атна уртасыннан салкыннар киләчәкр. Бу хакта ТР Гидрометеорология үзәге хәбәр итә.

Чәршәмбе көнне, 5 февральдә, республика синоптиклары билгеләп үткәнчә, салкын һава торышы көтелә.

Төнге сәгатьләрдә һава температурасы -4тән -9 градуска кадәр, көндез -1дән -6 градуска кадәр. Бераз кар явачак, урыны белән буран булырга мөмкин. Юлларда көчле бозлавык саклана.

Икенче көнне, 6 февральдә, тәүлекнең караңгы вакытында термометр баганалары 13кә, аязган вакытта 18 градуска кадәр төшәчәк. Көндез һава -6...-11 градуска кадәр җылыначак.

 

Җомга көнне, 7 февральдә, республика янә кар, көчле җил һәм буран алып килә торган атмосфера фронтлары хакимлегендә булачак. Әмма шул ук вакытта температура фоны элеккечә калачак - бернинди җылыну көтелми.

Метеорологларның фаразларына караганда, Татарстанда ял көннәрендә салкын булачак. 9 февральдә якшәмбе төнендә термометр баганалары - 20, ә аязган вакытта – 25 градуска кадәр төшәчәк. Көндез һава температурасы -13, -18 градустан артмаячак.

Фото: kzn.ru

Чыганак: tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: