Саба ТВ

Татарстан Президенты, республикада фаҗига сәбәпле, матәм көне игълан итү указына кул куйды

Искәртеп үтик, Зәй районында юл-транспорт фаҗигасендә 13 кеше һәлак булды, тагын 15е зыян күрде.

(Казан, 2 июль, "Татар-информ"). Татарстан Президенты Рөстәм Миңнеханов Татарстанда, Зәй районында фаҗига сәбәпле, матәм көне игълан итү турындагы указга кул куйды.



"2017 елның 2 июлендә Татарстанда Зәй районында юл-транспорт фаҗигасендә һәлак булучыларның якыннары, туганнары кайгысын уртаклашып, карар кылам:


1. 2017 елның 2 июлендә Татарстан Республикасында матәм көне итеп игълан итәргә.

2. Татарстан Республикасында матәм көнендә Татарстан Республикасы территориясендә Татарстан Республикасы Дәүләт байракларын төшерергә.

3.Телерадиокомпанияләргә һәм мәдәният учреждениеләренә матәм көнендә күңел ачу чараларын үткәрмәскә киңәш итәргә.

4. Татарстан Республикасы Министрлар Кабинетына юл-транспорт фаҗигасендә һәлак булучыларның һәм зыян күрүчеләрнең гаиләләренә ярдәм күрсәтү буенча тәкъдимнәр әзерләргә", диелгән документ текстында.

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: