Саба ТВ

Саба районы

Радио һәм телевидение яңалыклары

"Су өстенә калкып чыгып, ярдәм сораган": Зәй гидроэлектростанциясе янында су коенган 13 яшьлек малай батып үлгән

Татарстанда Зәй гидроэлектростанциясе (ГРЭС) янында су коенган 13 яшьлек малай батып үлгән. Бу турыда Россия Гадәттән тыш хәлләр министрлыгының Татарстан буенча Баш идарәсенең матбугат хезмәтенә сылтама белән "Татар-информ" агентлыгы хәбәр итте.

"30 майда көндез Зәй ГРЭСы янындагы каналда 13 яшьлек малай суга бату турында 112 номерына хәбәр килде. Бирегә экстрен хезмәт вәкилләре барды. Алар ачыклаганча, балалар су керергә ярамый торган урында коенган. Мәрхүм малай иптәшләре белән булган. Ул суга чумган, аннары су өстенә калкып чыгып, ярдәм сораган һәм су төбенә төшеп киткән", - дип сөйләделәр ведомствода.
 
 
Дуслары малайны эзләп караган, ләкин таба алмаган. Полиция хезмәткәрләре һәм коткаручылар да баланы эзләгән. Берничә сәгатьтән урынга килгән водолазлар малайның мәетен ярдан 6 метр ераклыкта 3 метр тирәнлектә су төбеннән табып алган. 
 
Башлангыч версия буенча, эссе һавадан салкын суга чумгач, баланың тәне тартышкан, ул паникага бирелгән һәм тончыгып һәлак булган. 
 
Гадәттән тыш хәлләр министрлыгы ГРЭС янындагы каналда су коену тыелганын искәртә. Биредә тиешле билгеләр дә тора.

 

 

Фото: Россия Гадәттән тыш хәлләр министрлыгының Татарстан буенча Баш идарәсе

 

https://intertat.tatar/

 

 

Безнең Вконтаке челтәренә языл! 

Кызыклы яңалыкларны күзәтеп бару өчен Телеграм каналга язылыгыз

 

 

 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев