«Самара Арена» стадионы төзелешенә өстәмә рәвештә 598 миллион сум акча бүленәчәк

(Казан, 22 декабрь, «Татар-информ»). «Казан» җитештерү-төзелеш идарәсе тарафыннан торгызыла торган стадионда төзелеш эшләренең тәмамлану вакытын 2018 елга күчерделәр. Һәм аңа өстәмә рәвештә 598 миллион сум акча бүленәчәк, дип яза «Коммерсант».

Самара стадионы 70 процентка диярлек әзер. Аны сафка бастыру 18,9 миллиард сумга төшәчәк, диелә басма хәбәрендә.

«Самара Арена» стадионында төзелеш эшләре 2014 елда башланды. Башта аны быелның декабрендә файдалануга тапшыру күздә тотылса да, инде 2016 елның ахырында ук төзелеш эшләренең соңаруы билгеле булды.

Илнең тагын алты стадионын торгызу эшләре шулай ук киләсе елда тәмамланачак.