Сабада үзара салым акчасына башкарылган эшләр белән таныштырдылар

(Саба, 13 ноябрь, "Татар-информ", "Саба таңнары", Фәнил Мәүлетов). Сабада халык акчасына быел башкарылган эшләр белән җирлек башлыгы урынбасары Расих Хәсәнов газета-телевидение журналистларын урында таныштырды. Бу турыда җирле басма хәбәр итә.

"Сабада 14 тыкрык бар, быел шуларның җидесенә – 3 километрыннан артыгына вак таш җәелде. Бу максатка 1,65 миллион сум акча тотылды. Болар нигездә бер-ике йорт урнашкан тыкрыклар.

Сабинка аша басма-күпер салынган. Аның төзелешенә өч миллионнан артык сум сарыф ителгән.

Сабадагы ябык зиратны туя агачы белән әйләндереп алу һәм километрдан артык шланг сузып, җәй буе су сибү буенча 3,3 миллион сумлык эш тә халыкның үз акчасына һәм республика бюджеты хисабына башкарылган.

Фото: saby-rt.ru