Саба дулкыннары

Саба районында җиңел машина белән бәрелешкән «Порше» юл читенә төшкән

Авариядә зыян күргән внедорожник йөртүчесен ашыгыч ярдәм машинасында хастаханәгә озаталар.

Внедорожник «Порше» «Шкода» җиңел машинасы белән капма-каршы бәрелешеп, юл кырыена төшеп китә һәм әйләнеп каплана. Бу хакта «Татар-информ»га юл-транспорт һәлакәте шаһитлары хәбәр итте.

«Кичә төн уртасында Шәмәрдән-Казан трассасында «Порше Кайен» «Шкода Рапид» автомобиле белән бәрелеште, аннары юлдан дамба астына төшеп китеп капланды», - дип сөйләде шаһитлар.

 

Авариядә премиум-класслы внедорожник йөртүчесе зыян күрә. Ир-атны ашыгыч ярдәм машинасында Саба районы үзәк хастаханәсенә китерәләр.

Фото: очевидцы

https://tatar-inform.tatar

Нравится
Поделиться:
Реклама
Комментарии (0)
Осталось символов: