Саба муниципаль районы «Бергә тапшырабыз. Ата-аналар тарафыннан БДИ тапшыру көне» Бөтенроссия акциясендә катнашты.

4501нче номерлы экзамен уздыру пункты Саба гимназиясендә урнашкан. Быелгы чараның яңалыгы- Гаилә елы уңаеннан әти-әниләр сынауга парлап чакырылган иде. 

Мөгаллимнәр Райлә һәм Зөфәр Йосыповларның уллары Наил Эзмә урта мәктәбен тәмамлый. 

“Бу процедура безгә таныш булса да, яңалыклар да бар икән. Өйгә кайткач улыбызга алар турында хәбәр итәчәкбез”-ди гаилә башлыгы.

Чарада Саба районы  Башкарма комитеты Гражданлык хәле актларын теркәү бүлеге җитәкчесе Гөлнар Илдар кызы Шәфыйкова катнашып әти-әниләрне үз өлкәләрендәге яңалыклар белән таныштырды.

Тулырак, “Атна” информацион программасы кысаларында 29 март көнне 17 сәгать 30 минутта карагыз!